中醫角度認為，黑色入腎，黑色嘅食材對腎特別有益，而冬天想要預防患病，就應該養護腎氣，其實黑色食材又平又有益，而且仲好容易加入平日嘅餸菜入面，想養護腎氣，就要每日進食「黑食材」！
黑木耳可以補氣生血，有助改善貧血、便秘、容易腰酸背痛嘅問題，平日炒菜或蒸雞蒸肉時可以加入黑木耳，增加口感。
黑豆有補腎益陰、健脾利濕嘅功效，仲可以令白髮變回黑髮，對改善腎虛特別有效，平日可以飲黑豆茶，或者將黑豆放入白米煲飯，好容易就可以吸收黑豆嘅營養。
提起紫米大家都會諗起糖水，其實紫米都可以加入白米煲飯，只要預先將紫米浸泡便可，紫米亦有滋陰補腎，行氣活血嘅作用。
黑芝麻可以補肝腎，除咗食芝麻糊，亦可以將炒香嘅黑芝麻加入沙律汁，又或者加入白米煲飯，食落仲會有芝麻香氣！
紫菜除咗可以當零食，其實紫菜仲可以滾湯，蛋花紫菜湯清清地亦有營養，紫菜仲有除濕消腫嘅功效。
.jpg)
Comments