係人都想有一頭健康濃密嘅秀髮，頭髮健康樣貌都會顯得年輕，同時頭皮健康一樣咁重要，雖然已經日日洗頭，非常注意衛生，但著深色衫時兩邊膊頭佈滿白色嘅頭皮屑，真係令人非常尷尬。如果你都有過多頭皮屑，就要留意頭皮屑成因，盡早對症下藥，解決問題啦！
1.頭皮屑主要成因就係頭皮油脂分泌過多，油脂過多容易滋生細菌甚至真菌，頭皮屑自然多。
2.新陳代謝好雖然係好事，但如果頭皮嘅新陳代謝太快，令角質堆積，孢子菌亦同時大量繁殖，自然有雪花般嘅頭皮屑飄揚。
3.內分泌失調及壓力都會影響油脂分泌，如有壓力或睡眠不足等，或青春期時荷爾蒙分泌有所變化，都會令頭皮油脂分泌增加，變成頭皮屑過多。
4.遇上季節轉換，如天氣過份乾燥、忽冷忽熱，都會影響油脂分泌。
5.如頭皮患上皮膚疾病，如脂漏性皮膚炎、濕疹、毛囊炎等，都會出現大量頭皮屑。
6.染髮與電髮時的化學物質會刺激頭皮，甚至令頭皮受傷，導致損傷性頭皮屑。
7.過量進食辛辣、油炸的刺激性食物，會令油脂分泌更多，頭皮屑亦會增多。
8.如有偏食、茹素習慣，都有機會令身體欠缺某種營養素，影響頭皮健康令皮屑增多。
.jpg)
Comments