黑髮變白就聽得多，較少人會留意到身體其他毛髮同頭髮一樣會變白，至於幫助我們過濾空氣，阻隔空氣中灰塵細菌嘅鼻毛一向低調，如果鼻毛冇跑出來同大家Say Hi，相信大家都唔會留意到，原來鼻毛同頭髮一樣，有可能會變白。
鼻毛會變白，最常見嘅原因當然係自然衰老，隨住年紀漸長，毛髮中嘅黑色素會減少，身體嘅毛髮亦會慢慢變白，因為頭髮數量較多較明顯，所以最先會發現頭髮變白，其後先會到鼻毛，身體自己衰老令鼻毛變白，並唔會影響健康。
如果年紀尚輕但發現鼻毛突然變白，要先注意會否與身體缺乏某啲營養有關，毛髮需要充足嘅營養先會正常生長，如果身體長期吸引唔到足夠嘅維生素B、植物油等，都有機會出現變白情況。突發嘅壓力或情緒緊張，都會令毛髮突然變白。
腎虛亦係鼻毛變白嘅其中一個主要原因，中醫認為腎為先天之本，其華在髮，毛髮變白好多時都同腎虛有關，如果腎精不足，身體無力將營養輸送到不同部位，只會維持重要臟腑嘅營養供應，毛髮較為次要唔影響身體運作嘅地方就會得唔到足夠營養，因此腎氣不足，毛髮就會變白，甚至脫落。有助補益腎精嘅食物都能夠改善鼻毛或頭髮變白，例如黑芝麻、黑木耳、黑豆等。
想毛髮維持烏黑亮澤，最重要都係有均衡飲食、足夠休息、維持臟腑正常運作，身體各個部位有充足營養，毛髮自然健康。
.jpg)
Comments